點揀分紅保險？小心被人誤導！！(下）

上篇我哋講過，識玩分紅保單，唔係拎住計劃書去比較邊間「預期價值」最高就買邊間。因為「預期」就係「非保證」，最終派唔派到出嚟，完全係另一回事。精明投資者會睇履行比率，因為呢個先係檢驗保險公司「講得出，做唔做到」嘅關鍵。

上次睇過兩間名氣比較大嘅公司嘅表現，今次再睇宏利。宏利嘅履行比率唔算最差，大概七、八成左右，比起某啲公司嘅「三、四成」已經好好多。

「赤霞珠」系列，2019年的保單，2024年實現率大概 77%，2016年的就有 80%。

「豐譽傳承」2021年的保單，2024年復歸紅利實現率 89%，2020年 的就有81%。

呢啲數字唔算太差，但同佢嘅品牌名氣比，就有啲唔匹配。即係話，宏利唔係最差，但亦唔係大家心目中想像嘅「超穩陣」。

綜合嚟睇，香港市場三大龍頭——友邦（AIA）、保誠（Prudential）、宏利（Manulife），其實都有一個共通點：

名氣大：代理人多、廣告多、宣傳聲勢大。

履行比率唔靚仔：實際派紅利成日打折扣，遠低過計劃書寫出嚟嘅「美好未來」。

呢種情況，就係典型嘅「店大欺客」。因為佢哋品牌響，客戶自然覺得穩陣，唔會懷疑；代理人又多，講到天花龍鳳，令到消費者以為「大公司一定可靠」。但正正因爲如此，履行比率長期唔靚仔，都唔怕無生意做，咁樣點會有動力去改善派發。

講到履行比率，就不得不提一股清流——周大福人壽。

過去十年，佢哋主推嘅分紅產品，履行比率全部都係 100%。即係話，計劃書點寫，就真係派足幾多，講得出做得到。呢種誠信同紀律，喺成個行業入面，可以話係非常罕見。

但因為周大福人壽規模細，對家代理人多，就成日放風話：「嗱，呢間公司快執㗎啦！」。實情係，呢個市場，太多人講野，唔係因爲事實，純因爲自己立場。

我哋提周大福，唔係因為我哋係佢哋Agent。事實上，我哋係 獨立財富顧問，邊間公司產品好，就推邊間，有咩所謂。

之前都試過，客戶聽完我哋客觀分析，知道保誠往績真係唔得，但仍然堅持要買，死粉，但我哋都會照幫佢落單，因爲佣金照收（仲要講句，保誠佣金好多時比其他公司更高）。所以，講邊間好邊間唔好，完全係基於數據同事實，唔係因為我哋有立場。